Atyraýda ystyq sý berý taǵy birneshe kúnge toqtaıdy
Atyraý oblysynyń energetıkalyq kesheni baspasóz qyzmetiniń málimetinshe, 29 mamyrda ystyq berý ýaqytsha totatylady.
«Kúrdeli jóndeý josparynyń kestesine sáıkes jylý pýnkteriniń jabdyqtaryna tekserý, jóndeý júrgiziledi. Osyǵan baılanysty «Atyraý jylý júıeleri» AQ 2023 jylǵy 29 mamyr men 2 maýsym aralyǵynda jekelegen mekenjaılar boıynsha ystyq sý berý ýaqytsha toqtatylatynyn habarlaıdy», - delingen energetıkalyq keshen málimetinde.
Jóndeý jumystaryn Atyraý qalasyndaǵy úsh jylý berý beketerinde júrgizý josparlanyp otyr. Sol sebepten, shahar ortalyǵyndaǵy Álipov, Mahambet, Azattyq, Amangeldi, Smagulov, Dosmuhambetov, ıAblochnaıa kóshelerinde ornalasqan kópqabatty 30 úıdiń turǵyndary ystyq sýsyz otyrady. Sondaı-aq Avangard-3 shaǵyn aýdanyndaǵy kópqabatty 31 úıge ystyq sý ýaqytsha berilmeıdi.
Eske sala ketelik, buǵan deıin Atyraýda úsh kún qatarynan ystyq sý bolmaıtynyn habarlaǵan edik. Munaıly shaharda ystyq sý berý 19-21 sáýir aralyǵynda toqtatyldy. «Atyraý jylý jelileri» aktsıonerlik qoǵamy munyń sebebin magıstraldyq jáne jylý taratý jelilerinde gıdravlıkalyq beriktik pen tyǵyzdyq úshin josparly synaý júrgizýmen baılanystyrǵan edi.
«Synaq júrgizý kezinde jazataıym oqıǵalardy boldyrmaý úshin synaý kezeńinde jylý trassasynyń qubyrlaryna 10 metrden jaqyn qashyqtyqqa jaqyndamaý suralady. Turba qubyrlarynda sý aǵý men jarylýdy baıqalsa, bul týraly 8-7122-994307, 99-43-98, 32-22-58 baılanys telefondaryna dereý habarlaýdy ótinemiz» delingen bolatyn habarlamada.
