Atyraýda ystyq kúnde orkestrler sherýi nege keıinge qaldyrylmaǵany anyqtalyp jatyr
ATYRAÝ. QazAqparat - Atyraýda kúnniń ystyǵynan 21 oqýshyǵa kún ótken orkestrler sherýi nege keıinge qaldyrylmaǵany anyqtalyp jatyr, dep habarlaıdy «QazAqparat» HAA tilshisi.
«Halyqaralyq balalardy qorǵaý kúnine arnalǵan orkestrler sherýiniń uıymdastyrýshysy Atyraý oblystyq bilim basqarmasy boldy. Qazirgi ýaqytta sherýdi ótkizýge jaýapty bolǵan adamdarǵa qatysty qyzmettik tekseris júrgizilip jatyr. Tekseris nátıjesi jaıly habarlanatyn bolady», - dep málimdedi oblystyq ákimdiktiń baspasóz qyzmeti.
Aıta keteıik, 1 maýsymda Atyraýda ótken orkestrler sherýine 7 myń adam qatysty. TJ departamentin kúnniń ystyq bolatyny týraly eskertý jarııalaǵan, alaıda buǵan qaramastan shara keıinge qaldyrylmaǵan. Saldarynan 21 adamnyń basynan kún ótken. Aýqymdy sharaǵa balalarmen birge etnomádenı birlestik ókilderi, QR Ulttyq gvardııasy 5556 áskerı bólimshesiniń orkestri qatysqan. Sherýde orkestr quramy mýzeı alańynan bastap Beıbarys Sultan alańyna deıin júrip ótken.
