Atyraýda vokzalda «jasyryn satyp alýshylar» neni anyqtady
Jolserikterdiń oryn satý faktileri men deldaldardy anyqtaý úshin «jasyryn satyp alýshy» ádisi qoldanyldy. «Atyraý - Mańǵyshlaq», «Aqtóbe - Mańǵyshlaq», «Atyraý - Almaty» baǵyttary boıynsha kassalarda bılet qalmasa da, poıyzdarda bos oryndar bolǵan. Jolaýshylar jolseriktermen kelisýge májbúr bolǵan.
Osylaısha, «jasyryn satyp alýshy» «Atyraý - Almaty» poıyzyna Shymkentke deıin jetip alý úshin 20 myń teńgege bıletsiz jol júrý týraly kelisken. Al, bılettiń quny 10350 teńge bolǵan. Bul tájirıbe basqa da baǵyttarda qoldanylyp jatyr. Taǵy bir «jasyryn satyp alýshy» «Aqtóbe - Mańǵyshlaq» poıyzyna Qulsary stansasynan Mańǵyshlaq stansasyna deıin bıletsiz jetip alý úshin 5 myń teńgege kelisken. Biraq, bılettiń quny 3 myń teńgeni quraǵan.
Atyraý oblysy boıynsha memlekettik qyzmet isteri jáne sybaılas jemqorlyqqa qarsy is-qımyl agenttigi departamentiniń baspasóz qyzmeti habarlaǵandaı, osy jaǵdaı jemqorlyq qaýpin anyqtap, jolaýshylar men jolserikter úshin qolaısyz jaǵdaı týyndatyp otyr. Sonyń saldarynan jolaýshylar poıyzda bıletsiz jol júrip, jolserikter zańsyz aqsha alýda.