Atyraýda vırýsqa qarsy dáriler satylymnan alyndy degen aqparat - jalǵan
ATYRAÝ. QazAqparat – Atyraýda vırýsqa qarsy jáne dene qyzýyn túsiretin dáriler satylymnan alynbaǵan, dep habarlaıdy QazAqparat.
Buǵan deıin WhatsApp messenjerinde vırýsqa qarsy jáne dene qyzýyn túsiretin túrli preperat dárihanalardan alynyp jatyr degen aqparat taraǵan.
Bul derekti oblystyq densaýlyq basqarmasy medıtsınalyq kómekti uıymdastyrý jáne lıtsenzııalaý bóliminiń basshysy Nına Ospanova joqqa shyǵardy.
«Áleýmettik jelide taraǵan aqparat jalǵan. Kerisinshe, óńirlerde koronavırýs ınfektsııasynyń kún sanap kóbeıýine baılanysty indettiń aldyn alý sharalaryn qatańdatý kezinde dárilik qordy qaıta qaraý, tolyqtyrý jumysy júrgizilýde», -deıdi Nına Ospanova.
Onyń málim etýinshe, qazir oblysta eki aıǵa jetetin jeke qorǵanysh quraldary men dárilik zattardyń qory saqtaýly tur.
Sondaı-aq, ambýlatorııalyq jaǵdaıda em qabyldaýǵa arnalǵan 189 myńǵa jýyq vırýsqa qarsy medıtsınalyq preparat, ınfektsııalyq statsıonarlarda 1 mıllıonǵa jýyq dári bar.
Eske sala ketelik, budan buryn Atyraý oblysyna «Spýtnık V» vaktsınasynyń 1 myń dozasy ákelinetini habarlanǵan edi.
