Atyraýda VIP nómir ıeleri bıýdjetke 31,5 mln teńge shyǵyn keltirgen
Departament qyzmetkerleri kólik júrgizýshileri arasynda joǵary suranysqa ıe memlekettik tirkeý nómirlik belgilerin berýge monıtorıng júrgizgen. Monıtorıng kezinde memlekettik baj qarjysynyń tolyq kólemde tólenbegeni anyqtalyp otyr.
«Departament qyzmetkerleri júrgizgen monıtorıng nátıjesinde kóligine VIP nómir alýshylardyń arasynda memlekettik bajdy tóleýden jaltarý derekteri anyqtaldy. Máselen, 2019-2021 jyldary berilgen nómirlerdi tekserý qorytyndysymen 59 adamnan memlekettik baj úshin tólenetin 14 mln teńgeden astam qarjy bıýdjetke túspegeni belgili boldy. Al, 78 adam memlekettik baj qarjysyn tolyq tólemegen. Sonyń saldary - bıýdjetke 2,7 mln teńgege jýyq qarjy túspeı qalǵan. Sondaı-aq, 52 qyzmet alýshy 14,4 mln teńge kólemindegi memlekettik baj tóleýden negizsiz bosatylǵan», - dep habarlady óńirlik departamenttiń baspasóz qyzmeti.
Atalǵan monıtorıng nátıjesinde 2019-2021 jyldary memleketke 31,5 mln teńgeden astam qarjynyń zalaly keltirilgeni anyqtaldy.
Eske sala ketelik, buǵan deıin Atyraýda VIP nómir alýshylar jalǵan túbirtek qoldanyp, 5 mln teńgeni tólemegenin habarlaǵan edik.