Atyraýda velosıped urlaǵan jigitke qatysty 11 qylmystyq is tirkeldi
ATYRAÝ. QazAqparat – Atyraýda birneshe velosıped urlaǵan 26 jastaǵy jigit qamaýǵa alyndy, dep habarlaıdy QazAqparat.
Oblystyq polıtsııa departamenti baspasóz qyzmetinen málim etkendeı, 12-16 shildede «Velosıped» jedel-profılaktıkalyq is-sharasy ótken.
«Іs-shara kezinde Atyraý qalalyq polıtsııa basqarmasy №1 polıtsııa bóliminiń jedel ýákilderi kópqabatty úılerdiń kireberisinen birneshe márte velosıped urlaǵan 26 jastaǵy jigitti ustady. Kúdiktiden aıǵaq zattar tárkilenip, 11 qylmystyq is tirkeldi. Ol ýaqytsha ustaý ızolıatoryna qamaldy» -dep habarlady departamenttiń baspasóz qyzmeti.
Qazir 26 jastaǵy jigitke qatysty QR Qylmystyq kodeksiniń 188-babynyń 3-bóligi, 2-tarmaǵymen sotqa deıingi tergeý júrgizilip jatyr.
Eske sala ketelik, budan buryn Atyraýda qoǵamdyq orynda tóbelesken úsh jigit jazalanǵanyn habarlaǵan bolatynbyz.
