Atyraýda vaktsınatsııanyń alǵashqy kúni 135 adam ekpe aldy
Oblystyq densaýlyq saqtaý basqarmasy baspasóz qyzmetiniń málimetinshe, keshe Atyraý qalasynda «Spýtnık V» vaktsınasyn saldyrý protsesi úsh medıtsınalyq mekemede ótken.
«Máselen, № 3 qalalyq emhanada - 55 adam, Geolog kentindegi emhanada – 70, al №2 oblystyq aýrýhanada 10 adam ekpe saldyrdy. Ekpe alǵandardyń bári ózderin jaqsy sezindi. Báriniń densaýlyǵy qalypty, vaktsınanyń janama áseri baıqalǵan joq» dep habarlady basqarmanyń baspasóz qyzmeti.
Óńirde vaktsına saldyrý úshin alǵashqy medıtsınalyq-sanıtarlyq kómek kórsetetin 24 mekemede arnaıy oryndar ashylǵan.
Onyń ishinde 15 memlekettik mekeme bar. Al, qalǵany – jekemenshik medıtsınalyq mekemeler.
Eske sala ketelik, budan buryn oblys ákiminiń orynbasary Baqytgúl Hamenova koronavırýsqa qarsy vaktsına saldyrǵanyn habarlaǵan edik.
