Atyraýda vaktsına saldyrýdyń mańyzy túsindirildi
ATYRAÝ. QazAqparat – Atyraýda koronavırýsqa qarsy vaktsına saldyrýdyń mańyzyn túsindirý bastaldy, dep habarlaıdy QazAqparat.
Osyǵan baılanysty qurylǵan mobıldi aqparattyq top aldymen S.Muqashev atyndaǵy kolledjdiń ujymymen kezdesý ótkizdi. Mobıldi top quramynda oblystyq densaýlyq saqtaý basqarmasynyń basshysy Ashan Baıdýálıev, óńirdiń bas memlekettik sanıtarııalyq dárigeri Mádenıet Tanaýov, sondaı-aq, oblystyq bilim basqarmasynyń basshysy Sátqan Esenǵalıev bar.
Oblystyq densaýlyq saqtaý basqarmasynyń basshysy Ashan Baıdýálıevtiń aıtýynsha, óńirde koronavırýsqa qarsy vaktsına alǵandar sany 50 myńnan asqan. Vaktsınanyń tolyq komponentin saldyrǵan qatary 20 myńnan astam adamdy quraǵan.
«Atyraý oblysyna 1 aqpan-26 mamyr aralyǵynda 74 200 doza vaktsına jetkizildi. Mamyrdyń sońyna deıin aqparattyq-túsindirý jumystarynyń nátıjesinde apktsına dozalarynyń teń jartysy ıgerildi. Halyqqa túsindirý jumysy óte qajet. Óıtkeni, turǵyndar vaktsınalaý týraly barlyq aqparatty tıisti basqarma bsshylarynyń ózinen estigisi keledi. Biz de turǵyndardyń pikirin bilemiz», - deıdi Ashan Baıdýálıev.
Onyń aıtýynsha, qazir óńirde 31 statsıonarlyq, 10 jyljymaly vaktsınalaý beketi jumys isteıdi.
Eske sala ketelik, buǵan deıin Atyraýda 51 myń adam vaktsına saldyrǵanyn jazǵan bolatynbyz.
