Atyraýda vaktsına saldyrý kezinde dárigerlerge dórekilik kórsetken sheteldikke aıyppul salyndy
Buǵan deıin Atyraýda sheteldik dárigerlerge dórekilik kórsetkeni anyqtalyp, № 3 qalalyq emhananyń ákimshiligi vaktsınalaý beketiniń medqyzmetkerlerin qorlaǵany úshin, sondaı-aq, vaktsınanyń jaǵymsyz áseri týraly jala japqany úshin polıtsııaǵa aryz jazǵan edi.
Atyraýda mamandandyrylǵan ákimshilik sotynda «Dına» bazarynda júk tıeýshi bolyp jumys isteıtin Ózbekstan Respýblıkasynyń 24 jastaǵy azamatyna qatysty is qaraldy.
«Sot isine sottalýshy men dáriger qatysty. Sottalýshy óz kinásin moıyndap, dárigerden keshirim surady. Sot Ózbekstan Respýblıkasynyń azamatyn QR Ákimshilik quqyqbuzýshylyq týraly kodeksiniń 434-babymen (usaq buzaqylyq) kináli dep tanyp, 10 210 teńge aıyppul saldy. Sheteldikke jumys berýshi – saýda dúńgirsheginiń ıesine de aıyppul salyndy», - dep habarlady oblystyq sottyń baspasóz qyzmeti.