Atyraýda vaktsına saldyrǵandardan vahtaǵa bararda PTR test talap etilmeıdi

ATYRAÝ. QazAqparat – Atyraýda vaktsına saldyrǵandardan vahtaǵa bararda PTR test talap etilmeıdi, dep habarlaıdy QazAqparat.

Atyraý oblystyq sanıtarlyq-epıdemıologııalyq baqylaý departamenti basshysynyń orynbasary Álııa Bekeshevanyń aıtýynsha, endi vahtalyq ádispen jumys isteıtin kompanııalardyń vaktsına saldyrǵan qyzmetkerleri jumysqa bararda jáne shyqqannan keıin PTR test tapsyrmaıdy.

«Bul máselege qatysty vahtalyq ádispen jumys isteıtin adamdardan kóptegen shaǵym tústi. Endi jańa qaýlyǵa sáıkes, olar úshin kirý jáne shyǵý algorıtmi jeńildetildi. Sonymen qatar, vaktsına alǵan barlyq qyzmetker endi vahta aıaqtalǵannan keıin oqshaýlanbaıdy» - dedi Álııa Bekesheva.

Eske sala ketelik, budan buryn Atyraý oblysynda kópshilik is-sharany ótkizýge tyıym salyndy.