Atyraýda vaktsına saldyrǵan on adamnyń árqaısysy 1 mln teńgeni utyp aldy
Budan buryn Atyraýda vaktsına saldyrǵandar arasynda júlde qory 40 mln teńgelik utys oıyny bastalǵan bolatyn.
«Atyraý oblysynyń Azamattyq alıansy» ZTB «Vaktsına al da, aqshalaı syılyqqa ıe bol!» aqshalaı utysynyń birneshe kezeńin ótkizdi. Al, 30 maýsym men 30 qyrkúıek aralyǵynda vaktsınanyń I nemese II komponentin alǵandar arasynda ár 10 kún saıyn 200 myń teńgeniń 10 aqshalaı sertıfıkatyn oınatty. Onyń ishinde 30 maýsym-31 shilde aralyǵynda vaktsına saldyrǵandar úshin tamyz aıynda 3 mln teńgelik 2 sertıfıkat utysqa tústi. Al, qyrkúıekte árqaısysy 3 mln teńgeni quraǵan 2 sertıfıkat oınatyldy.
Aktsııanyń qorytyndy kezeńinde vaktsına alǵandarǵa jalpy somasy 10 mln teńgeniń aqshalaı sertıfıkat tabys etildi» -dep habarlady óńirlik kommýnıkatsııalar qyzmeti.
Aqshalaı utys – 1 mln teńgeniń sertıfıkatyn ıegenniń biri – Ashyq Maqbule.
«Kúıeýim kóktemde «Spýtnık V» vaktsınasyn saldyrǵan edik. Utys oıynyna qatysatynymyzdy bilmedik. Jeńimpaz bolǵanymyzdy estigenimizde, árıne, sene almadyq. Otbasymyzdy 72 jastaǵy ákemiz de ekpe aldy. Endi balalar arasynda koronavırýs ınfektsııasyna qarsy vaktsına saldyrý bastalsa, olardy da ekpe alý arqyly qorǵaýdy josparlap otyrmyz», - deıdi Ashyq Maqbule.
Jeńimpazdar qatarynda kópbalaly ana Altyn Bozjanova da bar.
«Men úshin bul júlde úlken tosynsyı boldy. Balalarymnyń bolashaǵy úshin depozıt ashyp, aqshany soǵan salamyn. Ózim oblystyq júıke-psıhıatrııalyq dıspanserdiń ashanasynda jumys isteımin. Meniń jumysymnyń ereksheligi sol, adamdarmen jıi baılanysýǵa týra keledi. Sondyqtan, ózimdi jáne jaqyndarymdy qorǵaý úshin vaktsına saldyrý qajet dep sheshtim. Utys oıynyna qatysqanymdy bilmedim. Jeńimpaz bolǵanymdy estigende, ázil retinde qabyldadym. Atyraýlyqtardy koronavırýs ınfektsııaǵa qarsy vaktsına alýǵa shaqyramyn. Bul – qalypty ómirge oralýdyń jalǵyz joly» - deıdi Altyn Bozjanova.
