Atyraýda vaktsına saldyrǵan 6 adamnyń árqaısysy 1 mln teńgeden utyp aldy
Buǵan deıin Atyraýda vaktsına alǵandar arasynda júlde qory 40 mln teńgelik utys oıyny bastalyp, «Azamattyq Alıans» zańdy tulǵalar birlestigi «Vaktsına al da, aqshalaı syılyqqa ıe bol» aktsııasynyń birneshe kezeńin ótkizgen edi.
Al, búgin, 6 qyrkúıekte 6 mln teńgeniń utys oıyny ótti.
Kezekti utys oıynyna vaktsına saldyrǵan 87 252 adam qatysty.
Kezdeısoq sandardy tańdaý arqyly jergilikti telearnanyń tikeleı efırinde ótken aqshalaı utys oıynyn táýelsiz baqylaýshylar qadaǵalap otyrdy.
«Utys oıynynyń nátıjesinde Jylyoı aýdanynyń turǵyndary Mereke Dúzelgenov, Ádilbek Qamıdolla, Qurmanǵazy aýdanynan Altyn Sársenova, Atyraý qalasynda turatyn Jomart Jumabekov, Gúlnaz Dostanova, Aıman Ábıeva jeńimpaz atanyp, árqaısysy 1 mln teńgeniń sertıfıkatyn ıelendi», -dep habarlady «Azamattyq Alıans» zańdy tulǵalar birlestiginen.
