Atyraýda vaktsına saldyrǵan 18 jasar bozbala mıllıoner atandy

ATYRAÝ. QazAqparat – Atyraý oblysynda vaktsına saldyrǵan 18 jasar bozbala mıllıoner atandy, dep habarlaıdy QazAqparat.

Buǵan deıin Atyraýda vaktsına saldyrǵan 6 adamnyń árqaısysy 1 mln teńgeden utyp alǵanyn jazǵan edik.

Sonyń biri – Ádilbek Qamıdolla. Jylyoı aýdanynda turatyn bozbalaǵa 1 mln teńgeniń sertıfıkaty tapsyryldy.

«Vaktsına alǵandardyń arasynda ótkizilgen aqshalaı utys oıyny ótip jatqanyn estigen edim. Biraq, 1 mln teńge utyp alýdy kózdemedim. «1 mln teńge utyp aldyńyz, kelińiz» degen habardy estigende, sener-senbesimdi bilmeı, abdyrap qaldym. Qolyma arnaıy sertıfıkatty bergennen keıin ǵana kóńilim ornyna tústi. Utys oıynyn uıymdastyrýshylar meni áreń taýypty. Óıtkeni, men alys aýylda mal sharýashylyǵymmen aınalysamyn. Keıde mobıldi baılanys bolmaı qalady», -deıdi Ádilbek Qamıdolla.