Atyraýda vaktsına alǵandar arasynda júlde qory 40 mln teńgelik utys oıyny bastaldy
ATYRAÝ. QazAqparat – Búgin «qyzyl» aımaqtaǵy Atyraý oblysynda júlde qory 40 mln teńgeni quraıtyn aqshalaı utys oıyny bastaldy, dep habarlaıdy QazAqparat.
Bul is-sharany «Azamattyq Alıans» zańdy tulǵalar birlestigi uıymdastyryp otyr.
«Aqshalaı utystyń júlde qory – 40 mln teńge. Onyń 10 mln teńgesi bas júlde úshin beriledi. Búgin, 30 maýsymynan bastap 200 myń teńgelik 10 sertıfıkat ár on kún saıyn 30 qyrkúıekke deıin vaktsına alǵandar arasynda oınatylady. Tamyz aıynda 30 maýsym-31 shilde aralyǵynda vaktsına alǵandar úshin 3 mln teńge kóleminde 2 sertıfıkat utysqa túsedi. Al, qyrkúıekte 1-31 tamyz aralyǵynda ekpe alǵandar úshin taǵy 3 mıllıon teńgeniń 2 sertıfıkaty oınatylady. Qazan aıynda bas júlde – 10 mln teńgeni utý úshin 1 aqpan-30 qyrkúıek aralyǵynda vaktsınanyń І nemese ІІ komponentin saldyrǵan turǵyndar qatysa alady», - deıdi «Azamattyq Alıans» ZTB tóraǵasy Álibek Semǵalıev.
Onyń aıtýynsha, jeńimpazdar Atyraý oblysynyń «Azamattyq Alıans» ZTB-nyń áleýmettik jelisindegi tikeleı efırinde anyqtalady. Oǵan aktsııanyń ashyqtyǵyn
qamtamasyz etý úshin úkimettik emes uıymdardyń ókilderi, blogerler men qoǵam belsendileri tartylmaq.
Eske sala ketelik, budan buryn Atyraýda vaktsına alǵandarǵa syılyq beriletinin habarlaǵan bolatynbyz .
