Atyraýda úılerdiń qabyrǵasyndaǵy esirtki jarnamalaıtyn 50-den astam jazý óshirildi
Esirtki qylmysyna qarsy kúres basqarmasynyń qyzmetkerleri volonterlermen birge Atyraý qalasyndaǵy úıler men ǵımarattardyń qabyrǵasyndaǵy sıntetıkalyq esirtkini jarnamalaıtyn graffıtı jazýlardy óshirdi. Eki kún ishinde 50-den astam jazý óshirildi.
«Atyraý oblysynyń polıtsııa departamenti turǵyndardy adamdardyń densaýlyǵyna qaýip tóndiretin esirtkiniń taralýyna beı-jaı qaramaýǵa jáne oǵan qarsy kúreste azamattyq ustanymdy belsendi túrde kórsetýge shaqyrady. Qala turǵyndary esirtki quraldaryn qoldaný jáne taratý týraly qolda bar kez kelgen aqparatty 8 (7122) 98-21-55 nómiri boıynsha «Senim telefonyna» habarlaýyńyzdy suraımyz. Sondaı-aq Whatsapp jelisinde 8 (775) 184-89-49 nómirine habarlasýǵa bolady», delingen departamenttiń Facebook -tegi paraqshasynda.