Atyraýda úılerdiń birinde eden astynan synap tabyldy
ASTANA. Shildeniń 12-si. QazAqparat - Atyraý qalasynyń Abaı kóshesinde ornalasqan úılerdiń birinde jóndeý jumystary kezinde eden astynan tógilgen synap (shamamen 100 g) tabyldy, dep habarlady QR Tótenshe jaǵdaılar mınıstrliginiń baspasóz qyzmetinen.
Synap arnaıy konteınerge jınap alynyp, akt boıynsha odan ári joıý úshin «West dala» mamandandyrylǵan kásipornyna berildi.
Tótenshe jaǵdaıdy joıýǵa QR TJM «ZRAOSO» memlekettik mekemesiniń 4 mamany men 1 tehnıkasy jumyldyryldy.
