Atyraýda úıinen adasyp ketken keıýana tabyldy
ATYRAÝ. QazAqparat – Atyraýda úıinen adasyp ketken 87 jastaǵy keıýana otbasymen qaýyshty, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 29 qyrkúıekte saǵat 10:30 shamasynda qala turǵyny 102 operatoryna aıaldama egde jastaǵy ájeniń uzaq otyrǵanyn habarlaǵan.
«Polıtsııa maıory Dastan Saǵynbaev pen polıtsııa kapıtany Aqylbek Jıenǵalıev oblys ortalyǵynyń Atyraý shaǵyn aýdanyndaǵy aıaldamadan egde jastaǵy ájeıdi taýyp aldy. Biraq, áńgimelesý kezinde 87 jastaǵy keıýana óziniń esimin de, qaıda turatynyn da esine túsire almaǵan. Tártip saqshylary jaqyn mańdaǵy turǵyn úı keshenderiniń aýlalary men kóshelerdi aralap, ájeıdiń turatyn meken-jaıyn anyqtady. Sóıtip, úıin taba almaǵan ájeni aman-esen otbasyna jetkizdi» -dep habarlady departamenttiń baspasóz qyzmeti.
Eske saoa ketelik, budan buryn Atyraýda joǵalyp ketken 34 jastaǵy jigit úsh aptadan soń tabylǵanyn habarlaǵan edik.
