Atyraýda úıdiń qorshaýyna soǵylǵan qoqys tasıtyn kólikti sheteldik basqarǵan

ATYRAÝ. QazAqparat – Atyraýda turǵyn úı qorshaýyna soǵylǵan qoqys tasıtyn kólikti sheteldik azamat basqarǵan. Sot qaýlysymen ol 20 táýlikke qamaýǵa alynyp, 7 jyl merzimge kólik quralyn basqarý quqyǵynan aıyryldy, dep habarlaıdy QazAqparat tilshisi.
None

Rýlde bolǵan Ózbekstan azamatyna qatysty is Atyraý qalasynyń ákimshilik quqyq buzýshylyqtar jónindegi mamandandyrylǵan sotynda QR Ákimshilik quqyqbuzýshylyq týraly kodekstiń 608-baby 3-bóligimen qaraldy.

«Ózbekstan Respýblıkasynyń azamaty K. alkogoldik masań kúıde «KamAZ» markaly kólik quralyn basqarǵany anyqtaldy. Júrgizýshi kólikpen áýeli elektr baǵanasyna soǵylǵan. Soqqynyń ekpinimen turǵyn úıdiń sharbaq qorshaýyn buzyp, aýlada turǵan jeńil kólikti búldirgen.

«Quqyq buzýshy kinásin moıyndady. Sot otyrysynda sottalýshynyń kinási zerttelgen is materıaldarymen, atap aıtqanda, ákimshilik quqyq buzýshylyq týraly hattamamen, jábirlenýshilerdiń aıǵaqtarymen, medıtsınalyq kýálandyrý qorytyndysymen, beınejazbamen tolyq dáleldendi», - dep habarlady atalǵan sottyń baspasóz qyzmetinen.

Sot qaýlysymen Ózbekstan azamaty K. ákimshilik quqyq buzýshylyq jasaǵany úshin kináli dep tanyldy. Oǵan 20 táýlikke ákimshilik qamaqqa alý jáne 7 jylǵa kólik quralyn basqarý quqyǵynan aıyrý túrindegi jaza taǵaıyndaldy.

Sot qaýlysy zańdy kúshine engen joq.

Eske sala ketelik, budan buryn Atyraýda mas júrgizýshi qoqys tasıtyn kólikpen turǵyn úıdiń qorshaýyna soǵylǵanyn jazǵan edik.


Сейчас читают