Atyraýda úıdiń qabyrǵasyna jemqorlyq taqyrybynda karta salyndy
N.Tilendıev atyndaǵy kishi óner akademııasynyń sýretshisi Mıras Janǵojıevtiń aıtýynsha, karta sybaılas jemqorlyqqa qarsy qyzmettiń parasattylyq, ádildik jáne senim sııaqty negizgi adamı qundylyqtaryn qamtıdy. Óıtkeni, parasattylyq ıdeologııasy sybaılas jemqorlyqqa qarsy kúresti kúsheıtýdiń tujyrymdamalyq negizi bolyp aıqyndalǵan. Bul keshendi uǵymǵa adaldyq, ádeptilik, zańdylyq, satylmaýshylyq, senimdilik, adamgershilik turǵydaǵy turaqtylyq jatady.
«Bizdiń akademııadaǵy beıneleý óneri jáne dızaın kafedrasynyń oqytýshylary sybaılas jemqorlyqqa qarsy kúreske óz úlesin qosyp, áleýmettik zulymdyqpen kúresýdi maqsat etip otyr. Mundaı jobalar óte kúrdeli bolǵanymen, jumystyń nátıjesin qala turǵyndarynyń oń pikiren baıqaımyz», - deıdi sýretshi Mıras Janǵojıev.
Onyń aıtýynsha, bir sýret bir aptadan 10 kúnge deıingi merzimde salynady. Sýretti salý úshin boıaý quıylǵan arnaıy ballondar paıdalanylady.
«Ballondaǵy boıaý ylǵalǵa tózimdi. Eger úıdiń qabyrǵasy sapaly ári senimdi bolsa, onda óte uzaq saqtalyp turady. Bir sýretti qabyrǵaǵa túsirý úshin boıaý quıylǵan 100-den astam ballon ketedi. Mundaı sýretterdi alda da salýǵa tyrysamyz», - deıdi M.Janǵojıev.
