Atyraýda uıaly telefon termınaldarynan aqsha urlaǵan qylmystyq top quryqtaldy
ASTANA. 15 sáýir. QazAqparat - Atyraýlyq polıtseıler uıaly telefonǵa shuǵyl aqsha salatyn termınaldardy tonap kelgen qylmystyq topty quryqtady. Bul týraly Atyraý oblysy boıynsha Іshki ister departamentinen málim etti.
Uıaly telefon jáne kommýnaldyq qyzmetterdiń aqysyn shuǵyl túrde tóleýge múmkindik beretin avtomattarǵa halyqtyń suranysy joǵary. Olardyń qylmyskerlerdiń nazaryna iligýiniń sebebi de osynda. Qylmyskerler aqshany termınaldardan tikeleı alyp, ózderin álekke salmaǵan. Olar pıǵyldaryn basqasha júzege asyryp otyrǵan. Bazardyń ishindegi kúzetshilerdiń kózderin ala bere, olar aýyr qurylǵyny kóterip áketip otyrǵan. Termınaldy keıin, kýágerler joq, tynysh jerde ashqan.
ІІD-den habarlaǵandaı, mundaı urlyqtar oblys ortalyǵyndaǵy bazarlarda jıi bolyp otyrdy. Qazir ustalǵandardyń osyndaı alty qylmysqa qatysy barlyǵy anyqtaldy. QR Qylmystyq kodeksiniń 175-shi baby boıynsha qylmystyq is qozǵalyp, tergeý amaldary júrgizilýde.
Aldyn ala esep boıynsha urlanǵan alty termınalda jarty mıllıonnan astam aqsha boldy. Qarajattyń jartysyn qaıtarý múmkin boldy.
