Atyraýda úshinshi egizin kútip júrgen ana daýys berdi

ATYRAÝ. QazAqparat – Atyraýda úshinshi egizin kútip júrgen ana daýys berdi. Buǵan deıin ol eki ret egiz bosanǵan, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, búgin, 20 qarashada saǵat 09:00-ge deıin 6 náreste ómirge kelgen.

«Búgin, túngi saǵat 00:00-den saǵat 09:00-ge deıin Atyraý qalalyq perzenthanasynda 3 ul, 1 qyz, al, oblystyq perınataldyq ortalyqta 1 ul men 1 qyz dúnıege keldi. Analar men nárestelerdiń jaǵdaıy qalypty. Olar dárigerlerdiń baqylaýyna alyndy», -dep málim etti basqarmanyń baspasóz qyzmetinen.

Atyraý qalalyq perzenthanasynda jas ana Jannat Nuredenova túngi saǵat 02:00-den keıin ul bosanǵan.

«Bul – tuńǵysh sábıim. Salmaǵy 3 keli 300 gr, boıy 55 sm bolyp dúnıege keldi. Qazir ulym ekeýmizdiń jaǵdaıymyz jaqsy. Ulymnyń bolashaǵy jarqyn bolýy úshin daýys berdim», -deıdi Jannat Nuredenova.

Perzenthanada bosanar kúndi kútip júrgen analardyń qatarynda Raıgúl Súleımanova da bar. Onyń tórt balasy bar. Eki ret egiz bosanǵan.

«Egizdiń birinshi juby – uldar. Qazir olar 15 jasqa toldy. Al, ekinshi jup – qyzdar. Olardyń jasy – 10-da. Endi taǵy da egiz kútip júrmin», -deıdi Raıgúl Súleımanova.

Bul perzenthanadaǵy saılaý ýchaskesinde 103 ana daýys berdi.

Eske sala ketelik, budan buryn Atyraýda bıyl 96 egiz ómirge kelgenin habarlaǵan bolatynbyz.