Atyraýda úsh meıramhanada dúrkiretip toı jasaǵandar anyqtaldy

ATYRAÝ. QazAqparat – Atyraýda mobıldi toptar shekteý sharalaryn buzǵandardy anyqtady, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, mobıldik toptar juma-jeksenbi kúnderi saýda ortalyqtary men tamaqtaný oryndarynda sanıtarııalyq talaptardyń saqtalýyn, jeke tulǵalardyń karantındi saqtaýyna baqylaý júrgizý kezinde birqatar buzýshylyqtardy anyqtaǵan.

«Tekserýshiler atap ótkendeı, «Aqjol», «Castle» jáne «Sultan Hall» meıramhanalarynda úılený jáne mereıtoı ótkizý faktisi tirkeldi. Al, «Murager» saýda úıinde maska rejımi saqtalmaıdy. Munda termometrııa joq bolyp shyqty. Sátpaev kóshesindegi «Fýdzı» sýshı barynda qyzmetkerler maskasyz jáne qolǵapsyz qyzmet kórsetedi. «Barmaglot» barynda 30-dan astam kelýshi saǵat 22: 00-den keıin de bolǵan. Jumysker kentindegi «Gúldııas» dúkeni saǵat 23:00-den keıin qyzmet kórsetip, rejımdi buzǵan» dep habarlady óńirlik kommýnıkatsııalar qyzmeti.

Eske sala ketelik, budan buryn Atyraý oblysynda 70 otbasylyq shara jasyryn ótkenin habarlaǵan edik.