Atyraýda úsh kúnde 605 adam vaktsına aldy, onyń 400-den astamy – pedagog
ATYRAÝ. QazAqparat – Atyraý oblysynda úsh kúnde 605 adam koronavırýsqa qarsy vaktsına aldy. Onyń ishinde 408 muǵalim bar, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine súıensek, bilim salasynyń qyzmetkerleri arasynda ekpege qatysty túsindirý júrgizilip jatyr.
Sonyń biri Atyraý energetıka jáne qurylys kolledjinde ótti.
Onda oblystyq sanıtarııalyq-epıdemıologııalyq baqylaý departamentiniń bas mamany Lázzat Jaılaýova, densaýlyq saqtaý basqarmasynyń bólim basshysy Nına Ospanova, №5 qalalyq emhananyń bólim meńgerýshisi Nurbaqyt Qupjanov, oblystyq bilim basqarmasynyń bas mamany Gaýhar Takýzova vaktsına alýdyń mańyzyn áńgimeledi.
Muǵalimder tarapynan qoıylǵan saýaldarǵa jaýap berdi.
«Atyraý oblysynda 9 naýryzdan bastap muǵalimderge koronavırýs ınfektsııasyna qarsy vaktsınatsııa salý bastaldy. Sońǵy 3 kúnde 605 atyraýlyq vaktsına aldy. Onyń ishinde 408 pedagog, 183 medıtsına qyzmetkeri, 14 memlekettik qyzmetshi bar» -dep habarlady basqarmanyń baspasóz qyzmetinen.
Eske sala ketelik, buǵan deıin Atyraýda muǵalimder koronavırýsqa qarsy vaktsına ala bastaǵan bolatyn.
