Atyraýda úsh kúnde 570 adam koronavırýs juqtyrdy
ATYRAÝ. QazAqparat – Atyraý oblysynda úsh kúnde 570 adam koronavırýs ınfektsııasyn juqtyrdy, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń málimetine súıensek, 8 shildede 154, 9 shildede 160, al, keshe 10 shildede 256 adam koronavıýs ınfektsııasyna shaldyqqan.
«Sońǵy táýlikte, 10 shildede Atyraý qalasynda qaýipti vırýs juqtyrýdyń 201 jaǵdaıy tirkeldi. Teńiz ken ornynda 12, Qyzylqoǵa aýdanynda 13, Inderde – 12, Jylyoıda – 8, Mahambette – 6, Qurmanǵazy aýdanynda 4 adamnan koronavırýs ınfektsııasynyń belgisi tabylyp otyr» -dep habarlady basqarmanyń baspasóz qyzmeti.
Belgili bolǵandaı, qazir ınfektsııalyq statsıonarlarda 771 naýqas emdelip jatyr. Onyń ishinde modýldik aýrýhanada 186, aýdandardaǵy statsıonarlarda 180, №2 oblystyq aýrýhanada 148, kardıologııalyq ortalyqta 100 patsıent emdelýde.
Sondaı-aq, ftızıopýlmanologııalyq ortalyqta 96, Teńiz kenishindegi ınfektsııalyq statsıonarda 61 naýqas oqshaýlanǵan. Al, úı jaǵdaıynda 708 adam em alyp jatyr.
Eske sala ketelik, budan buryn Atyraýda jyl basynan beri koronavırýs juqtyrǵan 160 adam qaıtys bolǵanyn habarlaǵan bolatynbyz.
