Atyraýda úsh kúnde 100-den astam jasóspirim jaýapqa tartyldy
ATYRAÝ. QazAqparat – Atyraýda úsh kúnde quqyq buzǵan 106 jasóspirim ákimshilik jaýapkershilikke tartyldy, dep habarlaıdy QazAqparat.
«Polıtsııa qyzmetkerleri Atyraý qalalyq bilim bóliminiń mamandarymen birge «Jasóspirim» jedel-aldyn alý sharasyn ótkizdi. Úshkúndik reıd barysynda 107 ákimshilik quqyq buzý faktisi anyqtaldy. Osyǵan baılanysty 106 jasóspirim ákimshilik jaýapkershilikke tartyldy», - dedi oblystyq Polıtsııa departamentiniń baspasóz qyzmetinen.
Sondaı-aq, ıývenaldy polıtsııa ınspektorlary 96 qolaısyz otbasymen, ishki ister organdarynyń profılaktıkalyq esebinde turǵan 41 jasóspirimmen profılaktıkalyq jıyn ótkizdi.
