Atyraýda úsh kún qatarynan ystyq sý bolmaıdy
Atyraý oblysynyń energetıka kesheni baspasóz qyzmetiniń aqparatyna qaraǵanda, 19-21 sáýir aralyǵynda tutynýshylarǵa ystyq sý berý toqtatylady.
«Atyraý jylý jelileri» aktsıonerlik qoǵamy munyń sebebin magıstraldyq jáne jylý taratý jelilerinde gıdravlıkalyq beriktik pen tyǵyzdyq úshin josparly synaý júrgizýmen baılanystyryp otyr.
«Synaq júrgizý kezinde jazataıym oqıǵalardy boldyrmaý úshin synaý kezeńinde jylý trassasynyń qubyrlaryna 10 metrden jaqyn qashyqtyqqa jaqyndamaý suralady. Turba qubyrlarynda sý aǵý men jarylýdy baıqalsa, bul týraly 8-7122-994307, 99-43-98, 32-22-58 baılanys telefondaryna dereý habarlaýdy ótinemiz» delingen habarlamada.
Eske sala ketelik, buǵan deıin Atyraýda 23 qyrkúıekke deıin ystyq sý berý toqtatylatynyn habarlaǵan bolatynbyz.
Qalalyq ákimdik ystyq sý berýdiń 10 kúnnen astam merzimge toqtatylýyn kúrdeli jóndeý jumystarymen baılanysty ekenin habarlaǵan bolatyn.
«Atyraý qalasyndaǵy barlyq jylý pýnktinen ystyq sý berý 12-23 qyrkúıek aralyǵynda tolyq toqtatyldy. Shahar aýmaǵyndaǵy magıstraldyq jylý jelilerinde kúrdeli jóndeý jumystaryn júrgizilýine baılanysty osyndaı sheshim qabyldandy. Al, 27-29 qyrkúıek aralyǵynda magıstraldy jylý jelilerine joǵary qysymmen synaq júrgiziledi. Osyǵan baılanysty jazataıym oqıǵalardy boldyrmaý úshin synaq kezeńinde magıstraldyq qubyrlarǵa jaqyndamaýdy, jylý jelileri ýchaskelerin tekserip júrgen qyzmetkerlerdiń nusqaýyn oryndaýdy suraımyz», -dep málim etti qalalyq ákimdiktiń baspasóz qyzmetinen.
