Atyraýda úsh kólik turaǵynyń ornyna úsh mektep salynady
Atyraý qalalyq ákimdigi baspasóz qyzmetiniń málimetinshe, mektepter qurylysyn kólik turaǵy úshin berilgen jer ýchaskeleri memleket ıeligine keri qaıtarylady.
«Atyraý qalasyndaǵy «Avtotep» kólikjaı massıvindegi 513, eski Syra zaýyty aýmaǵyndaǵy 586 jáne Leshoz shaǵyn aýdanynda ornalasqan Avtopark kólikjaı alabyndaǵy 414 ýchaske jyl sońyna deıin ıelikten shyǵarylady. Bul týraly Atyraý qalasy ákimdiginiń arnaıy qaýlysy bar. Bosaǵan ýchaskelerdiń ornyna sol aýmaqtyń balalary úshin «Jaıly mektep» pılottyq jobasymen 2000 oryndyq 3 mekteptiń qurylysyn salý josparlanyp otyr», -dep habarlady Atyraý qalalyq ákimdiginiń baspasóz qyzmeti.
Eske sala ketelik, budan buryn Atyraý oblysynda 7 mektep pen 1 japsarjaı paıdalanýǵa beriletinin habarlaǵan bolatynbyz.
Oblys ákiminiń orynbasary Jasulan Bısembıevtiń aıtýynsha, jyl sońyna deıin paıdalanýǵa beriletin mektepterdiń beseýi Atyraý qalasynda, bireýi Mahambet ornalasqan.
Al, Isataı aýdanynyń Tuşyqudyq aýylyndaǵy mektep janynan japsarjaı salynyp jatyr.
Jańa mektepter 6450 orynǵa eseptelgen.
«Kelesi jyly oblys boıynsha 18 mektepti paıdalanýǵa berý josparlandy. Onyń ishinde 9 bilim ordasy «Jaıly mektep» baǵdarlamasymen salynady. Osylaısha, Atyraý oblysynda mektepterdegi sabaq eki aýysymda bilim beriletin bolady. Naqtylaı aıtqanda, 2023-2024 jyldary mektepterde oqýshylarǵa 26 myńnan astam oryn qurylady», -dep málim etti Jasulan Bısembıev.
