Atyraýda úsh bala páterge qamalyp qaldy
ATYRAÝ. QazAqparat -Atyraýda úsh bala páterge qamalyp qaldy, dep habarlaıdy QazAqparat tilshisi.
TJD habarlaýynsha, qutqarý qymetine 7 qyrkúıekte saǵat 10:45 jáne 11:17 shamalarynda temir esikti ashý boıynsha 2 qońyraý túsken. Oqıǵa ornyna 4 qutqarýshy men psıholog bardy.
«Atyraý qalasyndaǵy Nursaıa shaǵyn aýdanynda 9 jasar bala páter esigin ishten bekitip, keıin asha almaı qalǵan», -delingen Batys óńirlik aeroutqyr jedel qutqarý jasaǵynyń habarlamasynda.
Ekinshi oqıǵa Balyqshy aýdanynda tirkeldi. Turǵyn úılerdiń birinde esik qatty jabylyp, ashylmaı qalǵan. Úıde 8 jasar qyz ben 2 jasar bala bolǵan. Qutqarýshylar oqıǵa ornyna shuǵyl jetip, esik ashý jumystaryn júrgizgen.
Aıta ketelik, jyl basynan osyndaı oqıǵalardan qutqarýshylar 30 jýyq adamdy qutqardy, olardyń basym bóligi balalar.
