Atyraýda úsh aýysymda bilim beretin 12 mektep bar
ATYRAÝ. QazAqparat – Atyraýdyń bilim berý salasynda úsh aýysymda oqytatyn 12 mektep bar. Mundaı mekteptiń bári oblys ortalyǵynda ornalasqan, dep habarlaıdy QazAqparat.
Atyraý oblysynyń ákimi Mahambet Dosmuhambetov bilim sapasyn tómendetetin mundaı olqylyqty joıý qajettigin eskertti.
«Prezıdenttiń ózi atap ótkendeı, qala men aýyl mektepteriniń orta bilim salasyndaǵy alshaqtyǵy qatty baıqalady. Bul olqylyqty joıyp, bilim sapasyna erekshe mán berýimiz qajet. Biz kóbinese oqýshylardyń problemalaryna ǵana kóńil bólýmen shektelemiz. Al, muǵalimderdiń bilim-biligi búgingi kúnniń talaptaryna qanshalyqty saı keletinine bas qatyrmaımyz. Sol sebepten, pedagogterdiń de deńgeıin zerdeleýimiz kerek. Muǵalimderdiń biliktiligin jetildirip, jańa ádistemelermen qamtamasyz etsek, bilim sapasyn kótere alamyz», - dedi oblys ákimi Mahambet Dosmuhambetov.
Avtor: Joldasbek Kósherbaıuly
