Atyraýda úsh aptada 7 egiz dúnıege keldi
ATYRAÝ. QazAqparat – Atyraýda úsh aptada 7 egiz dúnıege keldi, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, 1-26 tamyz aralyǵynda oblystyq perınataldyq ortalyqta 7 egiz sábı jaryq dúnıege kelgen.
«Egizderdiń 6-aýy – ul, 8-i – qyz. Qazir nárestelerdiń barlyǵynyń densaýlyq jaǵdaıy jaqsy. Dárigerlerdiń baqylaýyna alyndy» -dep habarlady basqarmanyń baspasóz qyzmeti.
Eske sala ketelik, budan buryn Atyraýda byltyrǵy maýsymnan beri 12 myńnan astam náreste ómirge kelgenin jazǵan edik.
