Atyraýda urylar qarý salynǵan seıfti alyp ketken
ATYRAÝ. QazAqparat - Atyraý polıtsııasy aǵymdaǵy jyldyń aqpan-naýryz aılarynda qaladaǵy Kókarna, Kóktem, Balaýsa, Juldyz, Aqsaı, Geolog, Tasqala yqshamaýdandaryndaǵy turǵyn úılerde oryn alǵan urlyqtarǵa qatysty 2 azamat ustaldy, dep habarlaıdy QazAqparat.
Baýkespelerge qatysty 18 qylmystyq is qozǵaldy.
«Jábirlenýshilerge barlyǵy 5 mln 522 myń teńge kóleminde shyǵyn keltirilgen. Urlyq kóbinese
plastık terezelerdi «yǵystyrý» ádisimen jasalǵan. Al kezekti urlyqqa barǵan ekeý turǵyn úılerdiń birinen 2 qarýy bar seıfti kóterip áketken.
Atalǵan jaıtqa qatysty QR QK-tiń 291-baby 3-bólimimen sotqa deıingi tergep-tekserý amaldary bastaldy.
Urlyq faktisine qatysty tergeý QR QK 188-baby 2-bólimimen júrgizilýde»,- dep habarlady oblystyq sottyń baspasóz qyzmetinen.
