Atyraýda urylar aıaǵy aýyr áıeldi baılap, 23 mln teńgesin alyp ketken
ATYRAÝ. QazAqparat - Atyraýda 23 mln teńge men qundy zattardy úptep ketken qaraqshylar ustaldy, dep habarlaıdy QazAqparat tilshisi óńirlik PD baspasóz qyzmetine silteme jasap.
«8 qańtarda «Tomırıs» turǵyn úı keshenindegi páterlerdiń birine úsh belgisiz adam - eki er adam men áıel adam kirgen. Úıde aıaǵy aýyr áıel bolǵan. Olar úı ıesin skotchpen baılap, páterden 23 mıllıon teńge men qundy zattardy alyp ketken. Jedel-izdestirý is-sharalary barysynda tonaýshylar ustaldy. Aqshalar men qundy zattar tárkilendi», - dep túsindirdi oblystyq ІІD baspasóz qyzmetinen.
QR QK 192-baby boıynsha sotqa deıingi tergeý jumystary júrip jatyr.
