Atyraýda urlyq jasaǵan destrýktıvti dinı aǵym ókili 4 jylǵa sottaldy
Oblystyq polıtsııa departamenti baspasóz qyzmetinen málim etkendeı, teris dinı aǵymdy ustanatyn jigit kólik jóndeý ortalyǵyna urlyqqa túsken.
«Kúdikti Atyraý qalasyndaǵy kólik jóndeý ortalyǵynyń ǵımaratyna pastıkalyq terezeden kirgen. Bótenniń múlkine zańsyz qol suqqan kúdikti janar-jaǵar maı ólsheıtin manometr qurylǵysyn, túrli kiltter jıyntyǵy salynǵan eki qobdıdy, temir kesetin quraldy jymqyryp, oqıǵa ornynan boı tasalaǵan. Biraq, polıtsııa qyzmetkerleriniń jedel is-sharasy nátıjesinde ury ustaldy», - dep habarlady departamenttiń baspasóz qyzmetinen.
Tergep-tekserý kezinde kúdiktiniń destrýktıvti dinı aǵymnyń ókili ekeni anyqtaldy. Buryn birneshe ret sottalǵan.
«Sot úkimimen 22 jastaǵy aıyptalýshy QR Qylmystyq kodeksi 188-babynyń 3 bóligi 3-tarmaǵymen kináli dep tanyldy. Sottalýshyǵa 4 jyl merzimge bas bostandyǵynan shekteý jazasy taǵaıyndaldy», - dep málim etti departamenttiń baspasóz qyzmetinen.
Budan buryn Atyraýda destrýktıvti dinı aǵym ókilinen tapansha tárkilengen bolatyn.
Kúdikti retinde ustalǵan 31 jastaǵy er adam qarýdy zańsyz saqtap, tasymaldaǵan. Polıtsııa qyzmetkerleri destrýktıvti dinı aǵym ókilinen serııa nómiri óshirilgen «OSA» markaly travmatıkalyq tapanshany tárkiledi. Qarýǵa saraptama taǵaıyndaldy. Kúdiktiniń buryn sotty bolǵany anyqtaldy. Destrýktıvti dinı aǵym ókiline qatysty QR Qylmystyq kodeksi 287-babynyń 2-bóligimen sotqa deıingi tergeý amaldary bastalǵan edi.
