Atyraýda urlanǵan kólik 15 mınýtta ıesine qaıtaryldy
ATYRAÝ. QazAqpara – Atyraýda polıtseıler urlanǵan kólikti 15 mınýtta taýyp, ıesine qaıtardy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, 31 qazanda saǵat 20:30 shamasynda Oral qalasynyń turǵyny kóligimdi urlap ketti dep shaǵymdanǵan.
«Ol Atyraý qalasyndaǵy Vokzal mańy shaǵyn aýdanynda ornalasqan kópqabatty úıdiń biriniń aýlasynan BWM markaly avtokóliginiń joǵalǵanyn habarlaǵan. Patrýldik polıtsııa urlanǵan avtokólikti 15 mınýtta Vokzal mańy shaǵyn aýdanynda ornalasqan dámhananyń biriniń aldynan tapty. Tekserý kezinde kólikti urlap ketken 1973 jylǵy azamat ekeni anyqtaldy. Medıtsınalyq saraptama qorytyndysymen 48 jastaǵy azamattyń orta dárejede mas ekeni belgili boldy», delingen habarlamada.
Qazir kúdiktige qatysty Qylmystyq kodekstiń 200-babymen (avtomobıldi nemese ózge de kólik quralyn ıelenip alý) qylmystyq is qozǵalyp, tergeý júrip jatyr.
Eske sala ketelik, budan buryn Atyraýda kóligimen 16 jasar balany qaǵyp, qashyp ketken júrgizýshi ustalǵanyn jazǵan edik.
