Atyraýda urlanǵan baǵaly zattar, noýtbýk, telefondardyń ıeleri izdestirilip jatyr
ATYRAÝ. QazAqparat - Atyraýda urlanǵan baǵaly zattar, noýtbýk, telefondardyń ıeleri izdestirilip jatyr, dep habarlaıdy QazAqparat tilshisi.
Atyraý polıtsııasy júrgizgen jedel izdestirý sharalarynyń nátıjesinde birneshe urlyq deregi ashyldy. Páterlerdi, jekejaılardy tonaǵan baýkespelerden túrli tehnıkalar, mobıldi telefondar, basqa da baǵaly zattar tárkilendi.
«Qazirge deıin 13 jábirlenýshiniń buıymdary qaıtardy. Degenmen, noýtbýkter, aýdıoapparatýralar, birneshe qolsaǵat, altynnan, kúmisten jasalǵan buıymdar áli ıesin tapqan joq. Jábirlenýshilerden №1 qalalyq polıtsııa bólimine habarlasýyn suraımyz», - delingen polıtsııa departamenti baspasóz qyzmetiniń habarlamasynda.
Aıta keteıik, jábirlenýshiler múliktiń óziniki ekenin rastaıtyn qujattardy nemese chekterdi ala kelýi tıis.
