Atyraýda Ulybrıtanııa azamaty ákimshilik jaýapkershilikke tartyldy
ATYRAÝ. QazAqparat - Atyraýda Ulybrıtanııa azamaty ákimshilik jaýapkershilikke tartyldy, dep habarlaıdy QazAqparat.
«Ulybrıtanııa azamaty D. jumys kúshin tartý ruqsaty negizinde jáne vızamen Atyraý qalasyna «Tenaz Management» JShS-de eńbek qyzmetin júzege asyrý úshin kelgen. Alaıda, tekseris nátıjesinde azamat D.-nyń vızada kórsetilgen kelý maqsatynan bólek QR azamaty F.-men birlesip, jergilikti atqarýshy organnyń ruqsatynsyz kásipkerlik qyzmetpen aınalysqany, «Ganbey Atyrau» JShS-in qurǵany anyqtaldy»,- dep habarlady Atyraý qalasynyń mamandandyrylǵan ákimshilik sotynyń baspasóz qyzmetinen.
Sot qaýlysymen Ulybrıtanııa azamaty D. kináli dep tanylyp, oǵan ákimshilik jaza retinde 44 188 teńge kóleminde aıyppul salyndy.
