Atyraýda Ulttyq ulannyń qyzmetshileri órtengen úıden áıel adamdy qutqardy
ATYRAÝ. QazAqparat - Atyraýda Ulttyq ulannyń áskerı qyzmetshileri órtengen úıden áıel adamdy qutqardy, dep habarlaıdy QazAqparat.
«Atyraýda Ulttyq ulannyń áskerı bólim qyzmetshileri «Bekire» jedel-aldyn alý operatsııasyna qatysýda. Sholǵyndaý barysynda olar Vodnıkov aýylyndaǵy úıdiń birinen tútin shyǵyp jatqanyn baıqaıdy.
Ákbaráli Ahmadálıev, Mádı Bıtohanov pen Amanjol Ermahan shuǵyl qımyldap, órtengen úıden áıel adamdy syrtqa shyǵardy. Budan keıin úıdiń ishinen qundy zattar men múlikterdi qaýipsiz jerge shyǵardy. Osydan keıin ǵana órt sóndirýshiler kelip, jalyndy sóndire bastady.
Ulandyqtardyń qyraǵylyǵynyń arqasynda órtten eshkim zardap shekpedi. Qazir órttiń shyǵý sebepteri anyqtalýda», - dedi Ulttyq ulanǵa qarasty Batys óńirlik qolbasshylyǵy baspasóz qyzmetiniń jetekshisi Erbolat Sultanov.
Avtor: A.Sokolov
