Atyraýda Ulttyq ulannyń áskerı qyzmetshisi qarııany órtten qutqardy
ATYRAÝ. QazAqparat – Atyraýda Ulttyq ulannyń áskerı qyzmetshisi qarııany órtten qutqaryp qaldy, dep habarlaıdy QazAqparat.
Qatardaǵy jaýynger Batyrhan Beıbituly 2019 jyldan beri «Batys» óńirlik qolbasshylyǵy №5546 áskerı bóliminde kelisimshart qyzmetiniń áskerı qyzmetshisi bolyp eńbek etedi. Ol keshe, 3 tamyzda qyzmetten kele jatyp, jeke úıdiń terezesinen qalyń qara tútin men jalyndy baıqaǵan.
«Mundaıda ýaqyt joǵaltpaý kerek. Sondyqtan, Batyrhan Beıbituly telefonmen órt sóndirýshiler men jedel járdemge dereý habarlaǵan. Órt sóndirýshiler brıgadasy kelgenshe, órtenip jatqan úıge kirip, ishki bólmedegi dıvanda es-tússiz kúıde jatqan qarııany tapqan. Ony órtenip jatqan úıden kóshege shyǵaryp, alǵashqy medıtsınalyq kómek kórsetken. Sodan keıin áskerı qyzmetshi gaz qondyrǵysyn óshirý úshin janyp jatqan úıge qaıta kirgen», - deıdi QR «Batys» respýblıkalyq ulttyq gvardııasy baspasóz qyzmetiniń bastyǵy, podpolkovnık Erbolat Sultanov.
Onyń aıtýynsha, órt sóndirýshiler jalyndy der kezinde sóndirgen. Al, áskerı bólim tótenshe jaǵdaıda kórsetken batyldyǵy men kásibı sheberligi úshin qatardaǵy jaýynger Batyrhan Beıbitulyn marapattaýǵa usynyldy.
Eske sala ketelik, budan buryn Atyraýda jolaı ótip bara jatqan eki jigit órtengen úıden balalardy qutqarǵanyn habarlaǵan edik.
