Atyraýda Ulttyq ulan qyzmetkerleri bekire balyǵymen ustaldy
ATYRAÝ. QazAqparat - Atyraýda QR Ulttyq ulanynyń qyzmetkerleri úlken bekire balyǵymen ustaldy, dep habarlaıdy QazAqparat tilshisi.
«Búgin saǵat tańerteńgi 10.00 shamasynda «Bekire-2018» jedel is-sharasyna bólingen «Peshnoı» beketinde kezekshi jol-patrýldik polıtsııasy qyzmetkerlerimen Damba baǵytynan kele jatqan 55/46 áskerı bólim qyzmetkerleriniń basqarýynda arnaıy Gazel avtokóligi toqtatylyp, tekserý barysynda avtokólikten 5 paketke salynǵan 47 dana bekire tuqymdas balyqtary tabyldy», dep habarlaıdy Atyraý oblystyq ishki ister departamentiniń memlekettik til jáne aqparat toby.
Oqıǵa ornyna jedel tergeý toby shaqyrtylyp, balyqtar arnaıy orynǵa tapsyryldy. Tergeý barysynda balyqtardyń jalpy salmaǵy 162 kelini qurady. Qazirgi ýaqytta QRQK-niń 339 baby boıynsha sotqa deıingi tergep-tekserý amaldary júrgizilýde.
Abaı Abylaıuly
