Atyraýda ulttyq paralımpıada men sýrdolımpıada quramalary qataryna 76 sportshy kirdi

ATYRAÝ. QazAqparat – Atyraýda Paralımpıada jáne sýrdlımpıada ulttyq quramalaryna 76 sportshy kirdi. Bul týraly Deneshynyqtyrý jáne sport basqarmasy basshysynyń mindetin atqarýshy Ernur Netjanov málim etti, dep habarlaıdy QazAqparat tilshisi.

E.Netjanovtyń aıtýynsha, sońǵy jyldary oblysta múgedekterge arnalǵan sport klýby qarqyndy damyp keledi. Múmkindigi shekteýli jandardy deneshynyqtyrý men sportqa tartý úshin oblystyń jeti aýdanynda sport nusqaýshylary jumysqa alyndy. Búginde oblysta 1230 múmkindigi shekteýli adam sportpen shuǵyldansa, onyń 630-y fızıoterapııalyq jattyǵýlarmen aınalysady.
Múgedekter sport klýbyna sport kesheni bólinip, sportshylardy úılerinen tikeleı oqý-jattyǵý jıyndaryna jetkizý úshin tórt kólik bólindi.
Sport kesheninde barlyq sanattaǵy 390 múgedek sportshy sporttyń 17 túrimen tegin aınalysýda. Aýyldyq jerlerde sportpen shuǵyldanatyn bul toptaǵy sportshylar sany 165 adamdy quraıdy. Olardyń arasynda eńbek sińirgen úsh sport sheberi, úsh eńbek sińirgen jattyqtyrýshy, halyqaralyq dárejedegi 25 sport sheberi, 84 sport sheberi, 236 sport sheberine úmitker bar. QR Paralımpıada jáne sýrdlımpıada quramasyna 76 sportshy endi.

Illıýstratsııalyq foto/ paralympic.kz