Atyraýda ulttyq qolóner sheberlerine tegin sabaqtar ótkizilip jatyr
ATYRAÝ. QazAqparat - Qazaqstandyq tanymal dızaıner Yrza Tursynzada ótkizgen sheberlik sabaǵyna búgin 200-den astam atyraýlyq qolónershi qatysty, dep habarlaıdy «QazAqparat» HAA tilshisi Atyraý oblystyq óńirlik kommýnıkatsııa qyzmetine silteme jasap.
Quraq tigýden tegin sabaqtar tsıkli alǵash ret ótip jatqan Halyqaralyq «Uly dalanyń ulttyq dástúrleri» forýmynyń aıasynda jalǵasýda. Dızaıner Yrza Tursynzadanyń aıtýynsha, tegin sheberlik sabaqtarynyń maqsaty - ejelgi ulttyq qolóner dástúrin damytý.
«Mundaı sheberlik sabaqtary Atyraýda ekinshi jyl qatarynan ótip jatyr Qolóner sabaǵyna kelip júrgen qyzdar qazir óz isterin ashýda», - deıdi Yrza Tursynzada.
Esterińizge sala keteıik, ulttyq qolóner sabaqtary úsh kúnge josparlanǵan. 15-16 naýryz kúnderi sheberlik sabaqtary Atyraý oblystyq tarıhı-ólketaný murajaıynda ótedi.
