Atyraýda Úkimet basshysy bıýdjet salasyndaǵy qyzmetkerlerge jańa páter kiltterin tabystaý rásimine qatysty
ATYRAÝ. Maýsymnyń 18-i. QazAqparat /Andreı Sokolov/ - Atyraýda 90 páterli jańa turǵyn úı qoldanysqa berildi. Páter kiltterin tabystaý rásimine oblysta jumys saparymen júrgen QR Premer-Mınıstri Kárim Másimov qatysty.
Turǵyn úı qurylysyna tapsyrys berýshi Atyraý qalalyq qurylys bólimi bolyp tabylady. Onyń salynýy oblystyq bıýdjetten alynǵan 304 mıllıon teńge kólemindegi transferttik esep boıynsha júzege asyryldy. Bul bes qabatty úı aldymen bıýdjet salasynyń qyzmetkerlerine berildi.
Jańa qonysqa ıe bolǵan turǵyndardyń alǵashqysyn jyly júzben quttyqtaǵan Úkimet basshysy bir páterdi qarap shyǵyp, barlyǵyna densaýlyq, baqyt jáne jaqsylyq tiledi.
