Atyraýda tuzaqqa túsken jabaıy dala mysyǵy tabıǵatqa jiberildi
Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń bas mamany Nurlan Imanǵalıevtiń aıtýynsha, jabaıy dala mysyǵy sharýa qojalyǵynyń tuzaǵyna túsken.
«Ótken demalys kúnderi Atyraý qalasynyń mańyndaǵy sharýa qojalyǵynyń aýmaǵynda jabaıy dala mysyǵy usaq jandyqtar men qustardy jaraqattaǵan. Sol kezde jabaıy
mysyq tuzaqqa túsip qalǵan. Biraq, sharýa qojalyǵynyń jetekshisi tosyn áreketke barmaı, volonterlerge júgingen. Eriktiler bul jóninde oblystyq aýmaqtyq orman sharýashylyǵy jáne janýarlar dúnıesi ınspektsııasyna habarlady. Bizdiń ınspektsııa ınspektorlary eriktilermen birge jabaıy mysyqty «Aq Jaıyq» memlekettik tabıǵı rezervatynyń aýmaǵyna ákelip, tabıǵı mekendeý ortasyna jiberdi», -deıdi Nurlan Imanǵalıev.
Eske sala ketelik, budan buryn Atyraý qalasynyń kóshesinde túlki júrgenin habarlaǵan edik.
