Atyraýda tutanǵan dala órti 10 gektar aýmaqty sharpydy
Aımaqtaǵy Tótenshe jaǵdaı departamentinen habarlanǵandaı, órt tórt saǵattan astam ýaqytqa sozylǵan. Aýa raıynyń shamadan tys ystyq bolýy, onsyz da qýrap turǵan ósimdikterdiń tez janýyna sebepshi boldy.
«Ystyq kúnde órtti birden óshirý múmkin bolmady. Degenmen aýdandaǵy barlyq mekemelerdiń uıymshyldyǵy arqasynda jalynnyń betin qaıtardyq. Saǵat 14.00-de bastalǵan dala órtin 18.23-te tolyq óshirip boldyq. 10 gektar jer kúlge aınaldy», - deıdi Inder aýdandyq TJ bóliminiń basshysy Erjan Nurlanov.
Jalyn Inder jelilik óndiristik basqarmasyna qarasty «Ortalyq Azııa» gaz qubyryna, ormanǵa jaqyn bolǵandyqtan, oǵan jetkizbeı óshirýge kúsh salynǵan.
TJ qyzmetkerlerine ormanshylar men gazshylar tehnıka, adam kúshimen kómektesken. Órttiń shyǵý sebepteri anyqtalýda.