Atyraýda túrmeniń aýlasyna 9 smartfon laqtyrǵan jigit ustaldy
Atyraý oblystyq Qylmystyq-atqarý júıesi departamentine qarasty ÝG-157/9 mekemesiniń bastyǵy Dýman Tájenovtiń aıtýynsha, bul derek 30 tamyzda tirkelgen.
«Shamamen tańerteńgi 08:30-da túzeý mekemesiniń aýlasyna belgisiz er adam skotchpen oralǵan 11 túıinshekti laqtyryp, kólikke minip ketken. Túıinshekterlen 9 smartfon, 8 adapter, 1 sim-karta, 2 flesh-karta batareıka sekildi aksesýarlar tárkilendi. Osyndaı tyıym salynǵan zattardy túzeý mekemesiniń alýasyna laqtyryp ketken er adam «Sergek» beınebaqylaý kameralarynyń kómegimen anyqtaldy. Patrýldik polıtsııa qyzmetkerleri ustaǵan kúdikti Qyzylqoǵa aýdanynda turatyn 1997 jylǵy azamat bolyp shyqty» -dep habarlady Dýman Tájenov.
Qazir kúdiktige qatysty QR Ákimshilik quqyqbuzýshylyq týraly Kodeksiniń 481-babymen hattama toltyrylyp, sotqa joldandy.
Eske sala ketelik, budan buryn Atyraýda túrmege tramadoldy dezodorantqa jasyryp ótkizbek bolǵanyn habarlaǵan edik.