Atyraýda túrmege ákelingen qurttyń arasynan esirtki shyqty
ORAL. QazAqparat - Atyraýda Ulttyq ulan jaýyngeri túrmedegi baýyryna kelgen azamatshany teksergen kezde marıhýanaǵa jáne aq tústi gashıshke uqsas esirtkini tapty, dep habarlaıdy «QazAqparat» tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, 5546-áskerı bólim serjanty Elmıra Begimbaeva 3 mamyr kúni saǵat 12.30 shamasynda qylmystyq-atqarý júıesi ÝG 157/9 mekemesiniń qyzmetkerlerimen birge sottalǵan Ý-ǵa kelgen S. degen azamatshanyń jeke zattaryn qaraǵan. Sol kezde qurttyń arasynan marıhýanaǵa uqsas ósimdik zaty, sondaı-aq aq tústi gashısh ispettes untaq shyqqan. Tyıym salynǵan zattardyń tárkilengeni jóninde birlesken akt túzilip, túzetý mekemesi qyzmetkerlerine berilgen, sol boıda oqıǵa ornyna Atyraý qalalyq ishki ister basqarmasynyń jedel tergeý toby shaqyrtylǵan.
Qyraǵylyǵy men kásibı sheberligi úshin Ulttyq ulan jaýyngeri yntalandyrýǵa usynyldy.
