Atyraýda túrmeden shyqqandarǵa probatsııa ortalyǵy ashyldy
ATYRAÝ. QazAqparat - Atyraýda prokýratýra buryn sottalǵandarǵa arnalǵan «Probatsııa ortalyǵyn» ashty, dep habarlaıdy «QazAqparat» HAA tilshisi.
«Probatsııa ortalyǵy» «Qaıta áleýmettendirý: Sen qoǵamǵa kereksiń» jobasynyń aıasynda ashylǵan. «Bir tereze» qaǵıdasymen jumys isteıtin ortalyqtyń maqsaty - túrmeden shyqqandardyń qaıta áleýmettenýine yqpal jasaý, múmkindikke oraı sotty bolǵan adamdardyń barlyǵyn jumyspen qamtý», - deıdi oblystyq prokýrordyń orynbasary Serik Shalabaev.
Ortalyqtyń ashylýynda prokýrorlar, jumyspen qamtý bóliminiń qyzmetkerleri, medıtsına qyzmetkerleri, psıhologtar, advokattar, medıatorlar, sondaı-aq probatsııa qyzmetkerleri probatsııalyq baqylaýda turatyn tulǵalardy qabyldady. Kelgenderge áleýmettik-quqyqtyq kómek kórsetildi.
«Probatsııalyq baqylaýda turatyn tulǵalar jeke basynyń máselelerimen bólisý múmkindigine ıe boldy. Olardyń áleýmettik jaǵdaıyn jaqsartý jáne burynǵy qylmysyn qaıtalamaý boıynsha usynystar da talqylandy. Bul adamdardy jumyspen qamtý ózekti másele ári ol barlyq mekemeler men kásiporyndardyń basshysyna qatysty. Jumys berýshiler de, qoǵam da buryn sotty bolǵan adamdarǵa degen kózqarasyn túbegeıli ózgertýi tıis», - deıdi S. Shalabaev.
Osyndaı ortalyqtar men kabınetter oblystyń birneshe aýdanynda da ashylǵan.
