Atyraýda túrmeden shyqqandar jumysqa ornalasyp jatyr

QazAqparat - Atyraýda prokýrorlar bas bostandyǵynan aıyrý mekemelerinde bolǵandar men shartty-merziminen buryn bosatylǵandarǵa jumys tabýǵa kómektesedi, dep habarlaıdy «QazAqparat» HAA tilshisi.

«Qazirgi tańda probatsııalyq baqylaýda 498 adam tur. Prokýratýra shartty-merziminen buryn bosatylǵan atyraýlyqtardy jumysqa qabyldaý týraly ótinish hatty túrli kásiporyndar men uıymdarǵa joldap jatyr. Mundaı ótinishter oblystaǵy osy sanattaǵy azamattarǵa jumys oryndarynan bir protsenttik kvota berý týraly úkimge sáıkes jasalynýda. 60 kásiporyn jaýap qaıtardy», - dep habarlady Atyraý qalalyq prokýratýrasynyń baspasóz qyzmeti.

Qazirgi tańda bas bostandyǵynan aıyrý mekemesinde bolyp kelgen 72 adam jumyspen qamtamasyz etildi. Qalǵandaryn jumysqa ornalastyrý jalǵasyp jatyr. Birneshe adam jumysqa ornalasý úshin qajetti qujattaryn jınap jatyr.