Atyraýda túrmedegilerge tumaýǵa qarsy vaktsına salyndy
ATYRAÝ. QazAqparat – Atyraýda qamaýdaǵy kúdiktilerge tumaýǵa qarsy vaktsına salyndy, dep habarlaıdy QazAqparat.
Atyraý oblysy boıynsha Qylmystyq-atqarý júıesi departamentine qarasty ÝG-157/1 (tergeý ızolıatory) mekemecinde otyrǵan kúdiktiler men jazasyn óteýge qaldyrylǵan sottalýshylardy tumaýǵa qarsy vaktsınatsııalaý bastaldy. Vaktsına kelisim bergen kúdikti men jazasyn óteýshige salynýda.
«Maqsat –tumaýdyń aldyn alý. Óıtkeni kúz mezgilinde juqpaly aýrýlar órship, vırýstar beleń alady», -deıdi mekemeniń dárigeri Ramıla Kúnshyǵarova.
Onyń aıtýynsha, vaktsına májbúrli túrde emes, qamaýda otyrǵan tulǵalar ne sottalǵandardyń kelisimen júrgiziledi. Vaktsınany alýǵa keliskenderdiń densaýlyǵy jaramdy bolyp, sozylmaly aýrýy bolmaýy kerek. Qazir 100-den astam adamǵa vaktsına salynǵan.
