Atyraýda túrmede otyrǵandar úshin onlaın-dúken ashyldy
ATYRAÝ. QazAqparat – Atyraýda túrmede otyrǵandar úshin onlaın-dúken ashyldy, dephabarlaıdy QazAqparat.
Tergeý ızolıatory ornalasqan ÝG-157/1 mekemesi arnaıy kontıgent arasyndaǵy tárbıe jáne áleýmettik-psıhologııalyq jumysy bóliminiń bastyǵy Qalamqas Áshirhannyń aıtýynsha, endi tergeý ızolıatoryndaǵy azamattar úshin týystary onlaın-dúkennen tapsyrys bere alady.
«Mekemede sotqa deıin ýaqytsha ustalyp otyrǵan, sondaı-aq jazasyn óteý úshin
sharýashylyq qyzmetine qaldyrylǵan tulǵalardyń týystary úıden shyqpaı-aq, taýarlardy tańdaı alady. Sodan soń tańdaǵan taýarlarynyń tizimin mekemege jiberedi.
Mekememen kelisimshartqa otyrǵan jeke kásipker berilgen tapsyrysty oryndap, taýar birneshe saǵattyń ishinde sottalǵan nemese kúdikti retinde otyrǵan azamattyń qolyna jetedi», -deıdi Qalamqas Áshirhan.
Eske sala ketelik, budan buryn Atyraý sottalǵandar kóshe sypyryp júrgenin habarlap edik.
